Ақтөбе облысының Мәртөк ауылында 73 жастағы жергілікті тұрғынның мәйіті өз үйінен табылды, деп хабарлайды Juzmedia.kz.
ОҚИҒАНЫҢ МӘН-ЖАЙЫ
Облыстық полиция департаментінің баспасөз қызметінен хабарлағандай, зейнеткердің өліміне ішкі ағзаларының жарақаттануы себеп болған.
«Қылмысты жасаған деген күдікпен оның 48 жастағы қызы ұсталды. Оның алкогольдік ішімдік ішкен соң дау-дамай кезінде анасын соққыға жыққаны анықталды», - делінген хабарламада.
ҚЫЛМЫСТЫҚ ІС ҚОЗҒАЛДЫ
Полиция абайсызда адам өліміне әкеп соқтырған ауыр зардаптар бойынша сотқа дейінгі тергеу жұмыстарын бастады.
Әйел уақытша ұстау изоляторына қамалды.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
