Ішкі көші-қон: Қазақстанда қай өңірдің тұрғындары көптеп көшіп жатыр

Қазақстандықтардың Алматыдан өзге өңірлерге қоныс аудару үрдісі жиілеп келеді, деп хабарлайды Juzmedia.kz.

БІР ЖЫЛДА 1,5 МЛН АДАМ ҚОНЫС АУДАРҒАН

LS агенттігінің жазуынша, 2024 жылы 1,5 млн-нан астам адам тұрғылықты жерін ауыстырған. Бұл 2023 жылмен салыстырғанда 47,5%-ға көп.

Оның ішінде өңірлер ішінде 820,8 мың қазақстандық көшкен (+48,7%), ал облыстан қоныс аударғандар саны – 689,5 мың адам (+46,2%).

АЛҒАШҚЫ ҮШТІКТІ АСТАНА БАСТАП ТҰР

Өңіраралық көші-қонға көз жүгіртсек, қазақстандықтардың көбісі Астанаға қоныс аударған – 150,9 мың адам (+46,7%).

«Сондай-ақ көшу үшін тартымды қалалар қатарында Алматы – 129,4 мың адам (+37,7%), Алматы облысы – 80,3 мың (+1,5 есе) және Шымкент – 68,4 мың (+1,5 есе) бар», - дейді сарапшылар.

Аталған өңірлерде көші-қон сальдосы оң көрсеткішке ие: +73,2 мың адам, +36 мың, +2,6 мың, +9,3 мың сәйкесінше.

КЕЙ ӨҢІРДЕ ХАЛЫҚ САНЫ АЗАЯ БАСТАҒАН

Ал басқа өңірлерде халық санының азаюы байқалады, әсіресе Түркістан (-31,9 мың адам) және Жамбыл (-16,6 мың адам) облыстарында тұрғындардың көшу қарқыны жоғары.

Қазақстандықтар ең көп қоныс аударатын өңірлердің алғашқы үштігіне Алматы (93,3 мың адам, +1,6 есе), Түркістан облысы (92,5 мың, +47,7%) және Астана (77,7 мың, +47%) енеді.

ШЕТЕЛГЕ ҚАНША АДАМ КЕТТІ?

Сыртқы көші-қонға келер болсақ, өткен жылы 12,7 мың адам елден кеткен.

Олар көбінесе тұрақты тұру үшін Германия, Ресей және АҚШ-ты таңдаған.