Қазақстанда жыл сайын онкологиялық аурулардың 40 мыңға жуық жаңа жағдайы тіркеледі, деп хабарлайды Juzmedia.kz.
ОБЫРДЫҢ 5 ТҮРІ ЖИІ КЕЗДЕСЕДІ
ҚР Денсаулық сақтау министрлігінің мәліметінше,
Елімізде обырдың келесі түрлері ең көп таралған:
2024 жылдың соңында 230 мыңнан астам онкологиялық пациент динамикалық бақылауда болды, бұл 2023 жылмен салыстырғанда 5,9%-ға артық.
ЖЫЛ САЙЫН 12 МЫҢ АДАМ ОБЫРДАН КӨЗ ЖҰМАДЫ
Онкоскринингтерді, заманауи диагностикалық технологиялар мен емдеу әдістерін енгізу, сондай-ақ онкологиялық дәрігерлердің біліктілігін арттыру ауруларды ерте анықтау деңгейінің өсуіне және өлімнің төмендеуіне ықпал етті.
“Қабылданған шаралардың арқасында 2024 жылы 0-І сатысында онкологиялық аурулардың жаңа жағдайларының 31,4%-ын анықтауға, сондай-ақ қатерлі ісіктерден болатын өлімді 3,2%-ға төмендетуге мүмкіндік туды. Ал обырдан жылына 12 мыңнан астам адам қайтыс болады”, - дейді мамандар.
ОНКОЛОГИЯЛЫҚ АУРУДАН ТЕГІН ЕМ АЛУҒА БОЛА МА?
Қазақстанда онкологиялық ауруларды диагностикалау және емдеу тегін медициналық көмектің кепілдік берілген көлемі (ТМККК) шеңберінде тегін ұсынылады. Мемлекет МӘМС жүйесіндегі пациенттің мәртебесіне қарамастан, онкологиялық ауруларды диагностикалауға, дәрі-дәрмекпен қамтамасыз етуге және емдеуге арналған барлық шығысты жабады.
Министрлік азаматтарды емханаларда үнемі тегін онкологиялық скринингтерден өтуге және онкологиялық ауруға күдік туындаған жағдайда дереу медициналық мекемелерге жүгінуге шақырады.
