ҚР Ішкі істер министрлігі азаматтарды әлеуметтік желілерде, мессенджерлерде және түрлі интернет-платформаларда тарайтын күмәнді инвестициялық ұсыныстардан сақ болуға шақырды, деп хабарлайды Juzmedia.kz.
Алаяқтар өздерін брокер, инвестициялық компанияның қызметкері немесе қаржы сарапшысы ретінде таныстырып, азаматтарға қысқа мерзімде жоғары табыс табуды ұсынады. Әдетте олар «кепілді пайда», «тәуекелсіз инвестиция» немесе салынған қаражатты бірнеше есе көбейтуге уәде береді.
Алаяқтар қалай әрекет етеді?
Алдымен жәбірленушіден аз мөлшерде ақша салуды сұрайды. Кейін жалған сайт немесе арнайы қосымша арқылы инвестиция көлемінің өсіп жатқанын көрсетеді.
Осыдан кейін алаяқтар «инвестиция көлемін арттыру», «комиссия төлеу» немесе «шотты бұғаттан шығару» деген сылтаумен қосымша ақша аударуды талап етеді.
Алайда азамат ақшасын қайтарып алмақ болған кезде сайт жұмыс істемей қалады, аккаунты бұғатталады немесе өзін «кеңесші» деп таныстырған адам байланысқа шықпайды. Нәтижесінде жәбірленуші салған қаражатынан айырылады.
Қалай сақтануға болады?
Полиция азаматтарға:
Полиция азаматтарды қаржы мәселесінде сақтық танытып, күмәнді инвестициялық жобаларға ақша аудармауға шақырады.
