Өскеменде әскери бөлімнен қашып кеткен сарбаз іздестіріліп жатыр

Өскемен гарнизонының әскери полиция бөлімі мерзімді әскери қызметтегі сарбазды іздестіріп жатыр, деп хабарлайды Juzmedia.kz.

Әскери полиция мәліметінше, 2026 жылғы 23 шілдеде сағат 06:30 шамасында 27943 әскери бөлімінің қатардағы жауынгері Мархан Айқын Ерланұлы тәуліктік кезекшілік кезінде қызмет орнын өз бетінше тастап кеткен.

Алдын ала мәлімет бойынша, ол әскери бөлім аумағынан әскери киіммен шыққан. Кейін азаматтық киімге ауысуы мүмкін.

Сарбаздың өзімен бірге қаруы болмаған.

Іздеудегі әскери қызметшінің белгілері:

• 2004 жылғы 31 наурызда туған;
• бойы – шамамен 177 см;
• салмағы – шамамен 80 кг;
• дене бітімі – орташа;
• көзі мен шашы – қара;
• шашы қысқа;
• бетінде меңдері бар.

Қазіргі уақытта әскери полиция ішкі істер органдарымен бірлесіп іздестіру жұмыстарын жүргізіп жатыр.

Сарбаздың жүрген жері туралы қандай да бір ақпарат білетін азаматтардан мына нөмірлерге хабарласуды сұрайды:

• 8 (7232) 62-34-15
• 8 705 508 39 39
• 8 775 553 53 35

Берілген ақпараттың құпиялылығы сақталады.

Іздестіру жұмыстары ҚР Қарулы күштері Әскери полиция бас басқармасының бақылауына алынды.