Қарағанды облысында «Алтыналмас АК» АҚ-ның өндірістік нысандарының біріне қарасты тау-кен байыту кешенінде жұмысшы қаза тапты, деп хабарлайды Juzmedia.kz.
Компанияның баспасөз қызметінен хабарлағандай, қайғылы оқиға 23 шілдеде сағат 11:30 шамасында болған.
«Пустынное» ТБК аумағында адам өліміне әкелген жазатайым оқиғаның орын алғанын қайғыра хабарлаймыз. «Пустынное» ТБК екінші саты ұсақтау корпусының конвейер машинисі Карим Рымбаев қаза болды», – делінген хабарламада.
Қазір оқиғаның себептері мен мән-жайын уәкілетті мемлекеттік органдар анықтап жатыр.
Компания марқұмның туған-туыстары мен жақындарына, әріптестеріне көңіл айтып, оның отбасына барлық қажетті көмек пен қолдау көрсетілетінін хабарлады.
