«ҚазАвтоЖол» ұлттық компаниясы жаз мезгілінде республикалық маңызы бар автожолдарда ауыр жүк көліктерінің қозғалысына уақытша шектеу енгізілетінін ескертті, деп хабарлайды Juzmedia.kz.
Шектеу дара оське түсетін жүктемесі 8 тоннадан асатын жүк көліктеріне қатысты қолданылады. Ол ауа температурасы +25°C-тан жоғары болған кезде ғана күшіне енеді. Бұл – ауыр жүк көліктеріне толық тыйым емес, жазғы маусымда жолдарды сақтауға бағытталған уақытша шара.
Мамандардың айтуынша, аптап ыстықта асфальт жұмсарып, ауыр көліктердің әсерінен жолда ойықтар мен басқа да ақаулар пайда болуы мүмкін.
Шектеу қай өңірлерде және қай уақытта қолданылады?
1 маусым – 15 тамыз аралығында, ауа температурасы +25°C-тан асқанда сағат 11:00-21:00 аралығында мына өңірлерде шектеу енгізіледі:
1 маусым – 31 тамыз аралығында, ауа температурасы +25°C-тан жоғары болған кезде сағат 10:00-22:00 аралығында шектеу мына өңірлерде қолданылады:
Белгіленген уақыттан тыс немесе ауа температурасы +25°C-тан төмен болса, көліктер салмақтық талаптарды сақтай отырып еркін қозғала алады.
Сонымен қатар Астана – Петропавл автожолының 68–196 шақырым аралығында арнайы талап енгізілген. Бұл учаскеде ауа температурасы +25°C-тан жоғары болғанда дара оське түсетін жүктемесі 9 тоннадан асатын көліктердің қозғалысына шектеу қойылады.
Қандай көліктерге шектеу қолданылмайды?
Жазғы шектеу:
«ҚазАвтоЖол» жүргізушілерге жолға шығар алдында бағыт пен уақытты алдын ала жоспарлап, ауа райын ескеруге және көлік осьтеріне түсетін жүктемені бақылауға кеңес береді.
Республикалық жолдардағы жағдай мен уақытша шектеулер туралы ақпаратты тәулік бойы жұмыс істейтін 1403 байланыс орталығы арқылы білуге болады.
