Қазақстанда зейнетақы активтерін жекеменшік басқарушы компаниялардың басқаруына беру жергілікті қор нарығының дамуына оң әсер етуі ықтимал. Бұл туралы Қазақстан қор биржасының (KASE) басқарма төрағасы Әділ Мұхамеджанов мәлімдеді, деп хабарлайды Juzmedia.kz агенттігі LS-ке сілтеме жасап.
Оның айтуынша, зейнетақы активтерін басқару жүйесіне қатысты алдағы өзгерістер капитал нарығының өтімділігі мен көлемінің артуына ықпал етеді.
Қазіргі таңда бұл бағыттағы заңнамалық түзетулер әзірленіп жатыр. Биржа басшысы енгізілетін өзгерістердің нақты нәтижесі болатынына сенім білдірді.
KASE жаңа компанияларды күтуде
Әділ Мұхамеджановтың сөзінше, алдағы уақытта қор нарығына экономиканың түрлі салаларынан жаңа эмитенттер шығуы мүмкін.
Бүгінде қаржы ұйымдарының басым бөлігі биржада ұсынылған. Енді логистика, көлік, өнеркәсіп, IT және жасанды интеллект салаларындағы компаниялардың бағалы қағаздарын орналастыру жоспарланып отыр.
Сонымен қатар KASE жаңа компанияларды IPO-ға шығаруға дайындық жүргізу үшін халықаралық корпорациялардың бірімен серіктестік орнатпақ.
Орта бизнеске жаңа мүмкіндік
Ал клирингтік орталықтың басшысы Наталья Хорошевскаяның айтуынша, қазір Қазақстанның қор нарығын дамытуға арналған жаңа бағдарлама әзірленіп жатыр.
Бағдарлама бағалы қағаздар нарығын капитал тартудың балама құралы ретінде кеңінен насихаттауға бағытталған. Бұл әсіресе банктер арқылы қаржыландырылып жүрген орта бизнес пен жекеменшік компаниялар үшін маңызды болмақ.
Маманның айтуынша, дамыған елдердегі тәжірибе секілді қазақстандық кәсіпорындар да өз жобаларын қаржыландыру үшін қор нарығын белсенді пайдалануы қажет.
Жыл басынан бері 29 жаңа эмитент тіркелді
2026 жылдың басынан бері KASE-де листинг рәсімінен 29 жаңа эмитент өтті. Оның ішінде:
Сарапшылардың пікірінше, заңнамалық өзгерістер қабылданса, зейнетақы активтерінің жаңа басқару тетігі қор нарығының өтімділігін арттырып, жаңа инвестициялық мүмкіндіктердің пайда болуына жол ашуы мүмкін.
