Шығыс Жезқазған шахтасының Анненск кенішінде ұнтақтаушы болып жұмыс ітсейтін жұмысшы қаза тапты, деп хабарлайды Juzmedia.kz.
Бұл туралы “Қазақмыс” компаниялар тобының баспасөз қызметі хабарлады.
“Өндірістегі жазатайым оқиға салдарынан 1985 жылы туған 5-разрядты ұнтақтаушы қаза тапты”, - делінген хабарламада.
Қазіргі кезде оқиғаның мән-жайы мен себептері тексеріліп жатыр.
Сондай-ақ жазатайым оқиғаны тергеу үшін арнайы комиссия құрылды
“Қазақмыс” басшылығы мен ұжымы марқұмның отбасы мен жақындарына ұжымдық шартта көзделген төлемдер мен жерлеу шығынын қоса алғанда, барлық қажетті көмекті көрсетуге уәде берді.
