Мәміле жасамас бұрын барлық құжатты мұқият тексеру – келісімнің сәтті әрі қауіпсіз өтуінің негізгі шарты. Құжаттардағы қателік немесе сәйкессіздік кейін мәміленің тоқтап қалуына әкелуі мүмкін, деп хабарлайды Juzmedia.kz.
Меншік құқығын растайтын құжат пен техпаспорт
Сатып алу-сату мәмілесінде ең алдымен құқық белгілейтін құжат тексеріледі. Оған сатып алу-сату шарты, сыйға тарту, айырбас, жекешелендіру, мұрагерлік куәлігі немесе сот шешімі жатады.
Құжат міндетті түрде мемлекеттік базада тіркелуі керек, оны eGov арқылы тексеруге болады.
Екінші маңызды құжат – техпаспорт (кадастрлық паспорт). Онда пәтердің мекенжайы, ауданы, қабаты және басқа техникалық сипаттамалары көрсетіледі.
Егер нысан қайта жоспарланған болса немесе деректер сәйкес келмесе, техпаспортты жаңарту қажет. Кей жағдайларда банк те құжатты жаңартуды талап етеді.
Жеке куәлік пен оны рәсімдеу талаптары
Мәміле кезінде сатушы мен сатып алушының жеке куәлігі міндетті түрде талап етіледі.
Құжаттың жарамдылық мерзімі өтіп кетпеген болуы керек, әйтпесе нотариус мәмілені рәсімдемейді.
Жеке куәлік мерзімінде ауыстырылса – тегін, ал мерзімі өтіп кеткен жағдайда айыппұл қарастырылған.
Құжатты дайындау әдетте 15 жұмыс күніне дейін созылады, жедел рәсімдеу қосымша төлеммен жүзеге асады.
Дереккөз: krisha.kz
