Ақпаратты Ішкі істер министрлігі Ұлттық ұланның баспасөз қызметі растады.
«Қазір Алматы облысы Талғар қаласына ҚР ІІМ Ұлттық ұлан әскери бөлімінің жеке құрамы қоғамдық тәртіпті қорғау мақсатында патрульдік-күзет қызметін атқару үшін тартылды. Қауіпсіздікті қамтамасыз ету және қоғамдық тәртіпті сақтауға бағытталған азаматтардан жүргізіліп жатқан іс-шараларға түсіністікпен қарауды сұраймыз», - деп хабарлады баспасөз қызметі.
Еске сала кетейік, 4 қазанға қараған түні Талғарда жасөспірім айуандықпен өлтірілген болатын. Белгілі болғандай, 16 жастағы Шерзат Болат дүкенде әкесіне көмектесіп жүрген кезде тұтынушымен жанжал басталған. Сатып алушы достарына телефон соғып, Шерзатты, әкесі мен ағасын пышақ пен мылтықпен ұрып-соға бастаған. Кісі өлтіру фактісін тергеуді Қазақстанның Ішкі істер министрі Ержан Сәденов қолға алды.
Алматы облысы прокуратурасының мәліметінше, қылмыс жасады деген күдікпен жеті күдікті ұсталды. Сот оларды екі айға қамауда ұстау туралы шешім шығарды.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
