«JAIDARMAN TOP» жоғары лигасының 2-кезеңі өз мәресіне жетті

Астанада «JAIDARMAN TOP» жоғары лигасының 2-кезеңі өз мәресіне жетті. Бұл кезеңде үш ойын өтіп, 21 команда өзара бақ сынасты. 

Жайдарманшылардың әзілін Мәжіліс депутаты Асхат Аймағамбетов, танымал актерлер Дәурен Серғазин, Әділ Ахмет, Қобыланды Болат, Amanat партиясы жанындағы «Жастар Рухы» Жастар қанатының жетекшісі Ақерке Искандерова, «Freedom Ticketon» Коммуникация департаментінің басшысы Азамат Атагелді және жайдарманшылар Ғалым Махамбетов, Қанат Тасхан, Рамазан Фаиловтар бағалады. 

Жалпы саны 21 команда қатысып, тартысты бәсеке нәтижесінде 12 команда келесі, 3-турға жолдама алды. Олар:

• «Самал 3» (Шымкент)
• «Әуезов құрамасы» (Абай облысы)
• «Европолис» (Орал)
• «Абырой СұңқарМед» (Сарыағаш)
• «Тұмар» (Астана)
•  «OYU» (Тараз)
• «Проект SU» (Алматы)
• «Қарабау құрамасы» (Атырау облысы)
• «Алмалы» (Алматы)
• «Дежавю» (Орал)
• «Sweet» (Ақтөбе)
• «Әдеби жігіттер» (Тараз)

Келесі кезеңде бұл командалар арасындағы бәсеке одан әрі қыза түспек.