Теңге нығайды

Қазақстан қор биржасындағы (KASE) 31 наурыздағы сауда-саттық қорытындысы бойынша ұлттық валюта бағамы біршама нығайды. Доллар бір тәулік ішінде бірден 2,7 теңгеге арзандап, 478,77 теңге болды, деп хабарлайды Juzmedia.kz.

Елорда мен Алматының айырбастау бекеттерінде валюта бағамы мына шамада:

• Доллар: сатып алу – 474-478 теңге, сату – 479-481 теңге;

• Еуро: сатып алу – 548-550 теңге, сату – 556-559 теңге;

• Рубль: сатып алу – 5,8-5,9 теңге, сату – 5,93-5,95 теңге.

Теңгенің нығаюына әлемдік нарықтағы қара алтын бағасы да әсер етіп жатыр. Қазіргі таңда ICE биржасында Brent маркалы мұнайдың мамыр айындағы фьючерстері барреліне 114,77 доллардан саудаланып жатыр.