«Мемлекет қаржысын тиімсіз жұмсаған»: Ермек Тұрсынов түсірген фильм прокатқа шықпаған

Алматы қаласы прокуратурасының қадағалау актісі бойынша Қазақстан Республикасы Мәдениет және ақпарат министрлігі Мәдениет комитеті төрағасының орынбасары, сондай-ақ Ұлттық кинематографияны қолдау мемлекеттік орталығы басқарма төрағасының орынбасарытәртіптік жауапкершілікке тартылды. 

Алматы прокуратурасы түсірілім кезінде мемлекет қаражатын тиімсіз пайдалану фактілерін анықтады:

• «Выбор» (режиссер және сценарий авторы Ермек Тұрсынов) фильмінің түсірілімне бюджеттен 500 млн теңге,
• ал «Тырналар» (режиссері Дамир Манабаев) фильмінің түсіріліміне мемлекеттен 421 миллион теңге бөлінген. Аталған фильмдер прокатқа шықпаған.

«Мемлекет заңда көзделген прокат пен фильмді көрсетуден түскен табыстың 20 пайызын алу мүмкіндігінен айырылды», - деп хабарлады Алматы прокуратурасы.

Қадағалау органы сондай-ақ мемлекеттік қаржыландыруға фильмдерді іріктеумен айналысатын сараптамалық кеңестің құрамына кинокомпаниялардың құрылтайшылары кіргенін де атап өтті.