Әлемдік нарықта мұнай бағасы күрт өсіп, Brent маркалы мұнай баррелі 100 доллардан асты. Сауда деректеріне сәйкес, мамыр айындағы Brent фьючерстері шамамен 14,5 пайызға қымбаттады, деп хабарлайды Juzmedia.kz.
Сонымен қатар WTI маркалы мұнай бағасы да көтеріліп, баррелі шамамен 95 долларға жетті.
Сарапшылар бағаның өсуін Ормуз бұғазы маңындағы шиеленістің күшеюімен байланыстырып отыр. Бұл стратегиялық бұғаз арқылы әлемдегі мұнай жеткізілімінің шамамен бестен бірі тасымалданады.
Мамандардың айтуынша, егер өңірдегі қақтығыс ұзаққа созылса, мұнай бағасы одан әрі өсуі мүмкін.
