Қасым-Жомарт Тоқаев Оман сұлтаны Хайсам бен Тариқ Әл Саидпен телефон арқылы сөйлесіп, қазақстандықтарды қақтығыс аймағынан Оман арқылы аман-есен алып шығуға тікелей ат салысқаны үшін ризашылығын білдірді.
Тараптар сондай-ақ Таяу Шығыстағы жағдайды талқылады. Мемлекет басшысы қиын кезеңде Оман халқына тілектестік білдіріп, өңірдегі ахуалға алаңдаушылық танытты, деп хабарлайды Ақорда.
Сондай-ақ Қасым-Жомарт Тоқаев Оман сұлтанын жыл соңына дейін Қазақстанға мемлекеттік сапармен келуге шақырды.
Бүгін Оман сұлтандығы арқылы Дубайда қалған 467 азамат елге оралатынын бұған дейін хабарлаған болатынбыз.
