28 ақпанда елдің солтүстігі мен шығысында 30–35 градусқа дейінгі қатты аяз сақталады. Ең суық өңірлердің қатарында Астана, Қарағанды, Семей және Өскемен бар — түнде ауа температурасы 32–35 градусқа дейін төмендейді.
Оңтүстікте жауын-шашын мен тұман күтіледі. Шымкентте күндіз ауа температурасы 7–9 градусқа дейін жылынады, Түркістанда 5–7 градус жылы болады. Алматыда қар жауып, кей уақыттарда тұман мен көктайғақ байқалады.
Батыс аймақтарда жаңбыр мен қар аралас жауын-шашын түседі. Ақтауда күннің екінші жартысында жауын-шашын болып, көктайғақ пен желдің екпіні күшейеді. Атырауда күн ашық, күндіз 2–4 градус жылы болады.
Елдің бірқатар өңірінде көктайғақ пен желдің күшеюіне байланысты дауылды ескерту жарияланған.
