Қазақстанның Ұлттық қауіпсіздік комитеті Нұрлан Сабыровты тексермек. Бұл туралы ҰҚК-нің баспасөз қызметі хабарлады, деп жазады Juzmedia.kz.
Комитет нақты қандай дерекке байланысты тексеру жүріп жатқанын ашып айтпады.
«Ақпарат назарға алынды, тексеру шаралары жүргізіліп жатыр», – деп қысқа жауап берді комитет.
Қазақстандық баспасөз беттерінде, Сабыров Қылмыстық кодекстің 170-бабына қатысты тексерілуі мүмкін деген болжам айтады. Бұл «Жалдамалылық» туралы бап. Оның аясында соғысқа немесе қарулы қақтығыстарға адам тарту, қаржыландыру немесе пайдалану әрекеті үшін 7 жылдан 12 жылға дейін бас бостандығынан айыру жазасы қарастырылған.
