Қарағандыда екі бірдей танысын өлтірген деп күдікке ілінген ер адамның өзі өлі табылды, деп хабарлайды Juzmedia.kz.
Бұл туралы облыстық полиция департаментінің баспасөз қызметі мәлім етті.
АЛДЫМЕН ЕКІ АДАМНЫҢ МӘЙІТІ ТАБЫЛҒАН
Қараша айының соңында полицияға Бұқар жырау даңғылындағы көпқабатты үйдің пәтерлерінің бірінен адам денесі табылғаны туралы хабарлама түскен.
Шақырту бойынша жеткен полиция қызметкерлері жабық пәтерден өлтірілген екі адамның мәйітін тапқан. Пәтердегі жағдай оған дейін марқұмдармен брге үшінші адамның болғанын көрсеткен.
КҮДІКТІНІҢ ДЕНЕСІ ӨЗ ҮЙІНЕН ТАБЫЛҒАН
Сот-медициналық сараптама қызметкерлері күдіктіні және оның тұрғылықты мекенжайын анықтай алды. Алайда полиция қызметкерлері күдіктіні де өз үйінде өлі күйде тапқан.
«Жедел уәкілдер сол күні 30 жастағы күдіктіні анықтап, оны ұстау шараларын жүргізді. Жедел-іздестіру іс-шараларының нәтижесінде полицейлер күдіктінің мәйітін тапты Оның өліміне дәрі-дәрмектен немесе есірткіден улану себеп болған», - деп хабарлады ПД баспасөз қызметі.
Күдіктінің нақты неден және қалай уланғанын тергеу анықтайтын болады. Қазіргі таңда үш адамның өлімі бойынша тергеу амалдары жүргізіліп жатыр.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
