Астанада 48 жастағы ер адам пәтеріне тінтуге келген полицейлерден қашып, шамамен 3 келі марихуананы терезеден лақтыруға тырысқан, деп хабарлайды Juzmedia.kz.
Ақмола облыстық полиция департаментінің есірткі қылмысына қарсы іс-қимыл басқармасының мәліметінше, күдікті есірткіні елорда маңындағы өңірде таратумен айналысқан.
«Күдіктінің тұрғылықты мекенжайында арнайы операция жүргізілді. Тінту барысында 57 орам және 3 полиэтилен қапқа салынған, жалпы салмағы 2,8 келі кептірілген марихуана тәркіленді», – деп хабарлады ведомство.
Аталған дерек бойынша қылмыстық іс қозғалды. Күдікті уақытша ұстау изоляторына қамалды.
