Алдағы екі күнде Қазақстанда күн күрт суытып, сынап бағанасы түнде -42 градусқа дейін төмендеуі мүмкін, деп хабарлайды Juzmedia.kz.
Әсіресе, арктикалық циклонның әсерінен елдің солтүстігінде аяз күшіне мінеді. Солтүстік және Шығыс Қазақстан, Қостанай, Павлодар мен Ұлытау облыстарында күндіз -32, түнде -42 градусқа дейін аяз болады деп болжанып отыр.
Метеорологтар солтүстік пен шығыс өңірлердің тұрғындарына далада көп жүрмеуге кеңес береді.
Өзге өңірлерде де күн суытып, қатты жел тұрады.
Астанада бүгін 0-9 сынып оқушылары қашықтан оқу форматына ауыстырылды.
