Мәжіліс 2025 жылдың қорытындысын жариялады. Парламенттің төменгі палатасы жыл барысында бас-аяғы жүз заң қабылдаған, деп хабарлайды Juzmedia.kz.
Биыл қаблыднған 100 заңның 24-і депутаттардың бастамасымен әзірленген. Негізгі қабылданған шешімдер мен өзгерістер мыналар:
- Конституцияның 30 жылдығына байланысты рақымшылық жасау туралы заң қабылданды;
- Су, Бюджет, Салық, Құрылыс және Цифрлық кодекстер бойынша жұмыс толық аяқталды;
- «Жасанды интеллект туралы» жаңа заң қабылданды;
- Лудоманияға қарсы жаңа нормалар енгізілді, букмекерлік кеңселер мен тотализаторларды ғимараттарда және онлайн кеңістікте жарнамалауға тыйым салынды;
- Некеге тұруға мәжбүрлеу заңмен реттелді;
- Қиын қаржылық жағдайға тап болған азаматтарды қолдауға бағытталған нормалар қабылданды;
- Әлеуметтік тұрғыда аз қамтылған азаматтарға займдар мен шағын несиелер бойынша төлемді кемінде үш айға шегеру мүмкіндігі берілді;
- Кепілсіз онлайн несиелерді рәсімдеу кезінде шешімді ойланып қабылдауға уақыт беретін талап енгізілді;
- Мемлекеттен білім капиталы қарастырылған «Келешек» жүйесі іске қосылды;
- Дарынды балаларды қолдауға бағытталған бірқатар нормалар қабылданды;
- Міндетті әлеуметтік медициналық сақтандыру жүйесіне қатысты тәсілдер қайта қаралды;
- Бірыңғай медициналық көмек пакеті енгізілді;
- 1991–2021 жылдар аралығында асыраушысынан айырылған 500-ден астам отбасыға ай сайынғы жәрдемақы төлеу мәселесі шешілді.
