Астананың Сарыарқа ауданындағы Ықылас Дүкенұлы көшесінде орналасқан үш қабатты ғимаратта өрт шықты, деп хабарлайды Juzmedia.kz.
«Оқиға орнында өрт сөндіру штабы құрылды, 100 адам жеке құрам және 24 бірлік техника жұмылдырылды», — деп хабарлады ТЖМ.
Ғимараттың шатыры опырылған. 112 желісіне зардап шеккендер туралы ақпарат түскен жоқ.
Министрліктің 12:25-тегі дерегінше, 800 шаршы метр аумақты шарпыған өрт толықтай сөндірілді.
