Құмар Ақсақалов Қостанай облысында дәрігер тапшылығын қалай шешіп жатқанын айтып берді., деп хабарлайды Juzmedia. Орталық коммуникациялар қызметіндегі баспасөз мәслихатында ол ауылға барамын деген дәрігерге 7 млн көтерме жәрдемақы берілетінін мәлімдеді.
“Өңірге медицина қызметкерлерін тарту жұмысы жалғасып жатыр. Облыстың оңтүстік өңірлерінің дәрігерлері үшін көтерме жәрдемақыны ұлғайттық: аса тапшы мамандарға — 8,5 млн теңгеге дейін, қалада — 5 млн теңгеге дейін, ауылда — 7 млн теңгеге дейін. 2023 жылдан бастап облыс бойынша дәрігерлердің тапшылығы 2 есеге төмендеді. Бұрын 312 дәрігер жетіспесе, қазір 152 маман тапшы”, деді өңір әкімі.
Оның айтуынша, үш жылда облыста 35 денсаулық сақтау объектісі салынды.
