Бүгін Иран президенті Масуд Пезешкиан Астанаға ресми сапармен келеді. Екі ел көшбасшыларының кездесуінде сауда қатынастарын кеңейту мәселесі негізгі тақырыптардың бірі болмақ, деп хабарлайды Juzmedia.kz.
LS ақпаратына сәйкес, қаңтар-қазан айларында екі ел арасындағы тауар айналымы 40 пайыз өсіп, 357,4 млн долларға жетті.
Өсімнің негізгі себебі – Қазақстаннан Иранға экспорт көлемінің 2,5 есе артуы. Барлығы 996 мың тонна өнім жіберілген.
Оның ішінде:
Ал қой еті экспорты алты есеге азайып, 128 тонна ғана жөнелтілген.
Ираннан Қазақстанға келетін тауар көлемі, керісінше, 20 пайыз төмендеді: 340 мың тонна. Ақшалай мәнде де импорт 14 пайыз қысқарған. Этилен полимерлері, құрылыс материалдары, жуғыш заттар, жеміс-жидек, консервілер және тәтті сусындар былтырғыдан аз импортталған.
Дегенмен, Қазақстан Ираннан сүт өнімдеріне сұранысты арттырған: сыр импорты 30 пайыз, сары май екі есе артқан. Қоюлатылған және құрғақ сүт импорты 5 мың тоннаға дейін көбейді. Миндаль мен пісте жеткізу көлемі де 44% өскен.
