Ақтөбедегі әскери бөлімдердің бірінде мерзімді әскер қызметшісі – сарбаз қарауыл қызметін атқарып жүріп қаза тапты, деп хабарлайды Juzmedia.kz Ақтөбе гарнизонының баспасөз қызметіне сілтеме жасап.
Жас жігіттің өз-өзіне қол жұмсағаны хабарланды.
«Биылғы 23 қарашада Ақтөбе гарнизоны әскери бөлімдерінің бірінде мерзімді қызметтегі әскери қызметші күзет қызметін атқару кезінде бекітілген қарудан оқ атып, өзіне қол жұмсады», - делінген баспасөз хабарламасында.
Оқиғаның себептері мен мән-жайы анықталып жатыр.
«Аталған дерек бойынша қылмыстық іс қозғалды, басқа ақпарат тергеу мүддесіне сай жарияланбайды», - делінген хабарламада.
Құрлық әскерлерінің қолбасшылығы көз жұмған әскери қызметшінің отбасы мен жақындарына көңіл айтты.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
