Солтүстік Қазақстанда бірқатар шенеунік жазаға тартылды

Солтүстік Қазақстан облысында мемлекеттік аудит нәтижесі бойынша бірнеше деңгейдегі шенеуніктер тәртіптік жауапкершілікке тартылды. Бұл шаралар Жоғары аудиторлық палатаның тапсырмасымен қабылданды, деп хабарлайды Juzmedia.kz.

Қазанда ЖАП өңірге бөлінген бюджет қаражаты мен мемлекеттік активтердің тиімді пайдаланылуын тексерді. Аудит барысында заңнама талаптарының, бюджет ережелерінің және ішкі регламенттердің бұзылғаны анықталған.

Осыған байланысты облыс әкіміне, Петропавл және Сергеевка қалаларының, сондай-ақ Айыртау, Уәлиханов, Ақжар және Тайынша аудандарының әкімдеріне жауапты тұлғалардың тәртібін қарау жүктелді.

Тексеру қорытындысында тәртіптік жазаға тартылғандар қатарында:

• Айыртау ауданының әкімі;
• Петропавл мен Сергеевка қалалары әкімдерінің орынбасарлары, облыстық құрылыс, денсаулық сақтау, жолаушылар көлігі және автомобиль жолдары басқармалары басшыларының орынбасарлары;
• Сонымен бірге Петропавл қалалық құрылыс бөлімінің сектор меңгерушісі;
• Тайынша ауданының архитектура және коммуналдық шаруашылық бөлімі басшысы;
• Айыртау мен Уәлиханов аудандарының құрылыс бөлімдері қызметкерлері;
• Ақжар аудандық ТКШ бөлімінің уақытша басшысы бар.

Жоғары аудиторлық палата тексеріс нәтижелерін орындауды бақылауды жалғастыратынын мәлімдеді.