АҚШ президенті Дональд Трамп Ресей мен Украина басшылығымен қорытынды келіссөздер жүргізу үшін өз өкілдерін жіберді. Оның мақсаты – соғысты тоқтатуға бағытталған АҚШ-тың бейбіт жоспарының соңғы нұсқасын нақтылау деп хабарлайды Juzmedia.kz.
Трамптың айтуынша, Мәскеуге арнайы өкіл ретінде Стив Уиткофф барады және ол Ресей президенті Владимир Путинмен тікелей кездеседі. Ал АҚШ қорғаныс құрылымындағы негізгі келіссөздерді Дэн Дрисколл жүргізіп жатыр. Ол қазір Украина өкілдерімен байланыс орнатқан.
Президент Трамп АҚШ әзірлеген 28 тармақтан тұратын алғашқы жоспар бойынша екі тараптың да басты келіспейтін тұстары болғанын мойындады. Оның сөзінше, елшілер жіберу – осы айырмашылықтарды реттеп, ортақ құжаттың соңғы нұсқасын нақтылау ниетінің белгісі. Трамп болашақта Путинмен де, Зеленскиймен де жеке кездесуге дайын екенін айтты, бірақ бұл тек келісім жобасы толық пысықталған жағдайда ғана мүмкін болмақ.
Бұл жоспарға қатысты Батыс елдерінде күмән бар. Кейбір шенеуніктер мен сыншылар құжат Ресей талаптарына тым жақын деген пікірде.
Қазір ұсынылып отырған келісімнің толық мазмұны жарияланған жоқ. Дегенмен Вашингтон өкілдерінің жүріп-тұрысы АҚШ әкімшілігінің соғысты тоқтату үдерісін барынша жеделдетуге ниетті екенін көрсетіп отыр.
