Украина қарулы күштері Новороссийскіге дронмен жасаған соққы кезінде төрт С-400 қондырғысы жойылғаны хабарланды деп жеткізеді Juzmedia.kz.
Украиналық БАҚ Украина қауіпсіздік қызметіндегі дереккөздерге сүйене отырып, 14 қарашаға қараған түні жасалған шабуыл нәтижесінде төрт С-400 «Триумф» қондырғысы, 96N6 ерте ескерту радары және 92N6 нысана белгілеу радары істен шыққанын жазды. Жойылған нысандарға қатысты дәлел ретінде 11 қарашаға дейін және одан кейін түсірілген спутниктік суреттер жарияланды. Ресей тарапы әуе қорғанысының зақымдануына қатысты түсініктеме берген жоқ.
Хабарланған мәліметке қарағанда, аталған қондырғылар Новороссийск маңындағы Кубань қызыл ту полкінің әскери бөлімінде орналасқан. Бұл аумақта жалпы 12 С-400 жүйесі тұрғаны айтылады. Бұған дейін ASTRA жүргізген ашық дереккөздерге талдау соққының 51-әуе қорғанысы дивизиясының 1537-Кубань казак зениттік полкі орналастырылған 26345 әскери бөлімге тигенін анықтаған.
Әскери нысандардан бөлек, соққы салдары қала инфрақұрылымына да әсер етті. Порт пен мұнай терминалы зақымданып, кемінде бір кеме қиратылғаны хабарланды. Бірнеше үй бүлініп, төрт тұрғынның зардап шеккені айтылды. Reuters дереккөзі шабуылдан кейін «Транснефть» Новороссийскіге мұнай тиеуді тоқтатқанын, порттың өзі уақытша экспортты жүзеге асыра алмай жатқанын мәлімдеді.
