Биыл Шымкентте бір мыңнан астам компания таратылды деп хабарлайды Juzmedia.kz.
Бюро ұлттық статистикасының дерегінше, 2025 жылдың қаңтар–қыркүйек айларында Қазақстан бойынша 13 мыңға жуық кәсіпорын жабылған. Бұл өткен жылдың сәйкес кезеңімен салыстырғанда 27,7%-ға аз.
Ликвидацияланғандардың қатарында 20 ірі (-25,9%), 20 орта (+17,6%) және 12,9 мың шағын (-27,8%) бизнес бар.
Нарықтан кеткендердің басым бөлігі сауда саласында жұмыс істеген — 4,1 мың кәсіпорын (-30,5%). Бұдан бөлек, 1,4 мың құрылыс компаниясы (-26,5%) мен 682 ғылыми ұйым (-1,5 есе) жабылды.
Өңірлер арасында ең көп компания Алматыда (3,2 мың, -26,6%) және Астанада (1,9 мың, -1,7 есе) таратылды. Ал Шымкентте керісінше көрсеткіш өскен — бір жылда 30%-ға артып, 1,1 мың кәсіпорын жабылды.
