Сенат отырысында депутат Екатерина Смышляева дипфейктерді анықтаудағы қиындықтарға назар аударды, деп хабарлайды Juzmedia.kz.
Оның айтуынша, қазіргі технологиялар жасанды бейнелер мен видеоларды шынайыдан ажырату қиын деңгейге жеткізді, ал бар жүйелер адам арызы түспейінше оларды анықтай алмайды.
Депутаттың сөзінше, әлемдік тәжірибеде жауапкершілік дипфейк жасағаны үшін емес, оны алаяқтық, жалған ақпарат тарату немесе беделге нұқсан келтіру сияқты мақсаттарда қолданған кезде жүктеледі.
Осыған байланысты Қазақстанда Қылмыстық кодекске өзгерістер енгізу қарастырылып жатыр. Ұсыныстар «ақпараттық жүйелер» деген тар түсініктің орнына «информатизация нысандары» ұғымын енгізуді көздейді. Бұл кез келген цифрлық технологияны, соның ішінде жасанды интеллектті пайдалана отырып жасалған құқықбұзушылықтарға жауапкершілікті кеңейтуге мүмкіндік береді.
