Алматы – Екатеринбург тасжолында Курминка ауылынан 2 шақырым жерде жантүршігерлік жол апаты болып, 7 адам қаза тапты, сондай-ақ бір жолаушы ауруханаға жеткізілді, деп хабарлайды Juzmedia.kz.
Қарағанды облысы ПД баспасөз қызметінің хабарлауынша, қайғылы оқиға 15 қарашада сағат 10.00-де болған.
«Алдын ала мәлімет бойынша Тойота Альфард» көлігінің жүргізушісі көктайғақта рөлді басқара алмай, жол шетіне қарай аударылып кеткен. Апат салдарынан жүргізуші мен оның 6 жолаушысы, оның ішінде екі бала оқиға орнында көз жұмды. 12 жастағы жолаушы медициналық мекемеге жеткізілді», - делінген хабарламада.
Аталған дерек бойынша қылмыстық іс қозғалды.
Қарағанды облысының полиция департаменті көлік жүргізушілеріне абай болуды, жол ережесін сақтауды және жылдамдықты бұзбауды сұрайды.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
