Украина президенті Владимир Зеленский келісімге келу үшін Владимир Путинге ешқандай жеңілдік жасамайтынын және Ресейдің әрбір шабуылы жауапсыз қалмайтынын мәлімдеді деп хабарлайды Juzmedia.kz.
Оның айтуынша, Киев соғысты тоқтату үшін өз жерінен ешқашан бас тартпайды. Елдің қорғаныс және энергетика саласын күшейту үшін Украина халықаралық серіктестерімен ынтымақтастықты кеңейтіп жатыр, деп хабарлайды.
Зеленский Украинаға Ресей нысандарына дәл соққы жасауға арналған мыңдаған ұшқышсыз ұшақ пен қашықтықтан ұшырылатын зымыран қажет екенін айтты. Осы мақсатта ол өткен аптада АҚШ-қа арнайы сапармен барып, қосымша әскери көмек сұрады.
Ал АҚШ-тың бұрынғы президенті Дональд Трамп Будапештте Путинмен кездесіп, екі жақты келісімге шақырмақ екенін мәлімдеді. Ол Зеленский мен Путинге «әрқайсың өзіңді жеңімпаз деп танып, осы жерден соғысты тоқтатыңдар» деген ұсыныс айтты. Америкалық басылымдар Трамп Зеленскийге Донецк облысынан бас тартуды ұсынғанын жазды. Бірақ Украина президенті бұл ұсынысты үзілді-кесілді қабылдамады. Оның сөзінше, қандай келіссөз болмасын, Украина мүддесі ескерілмей, екінші тараптың пайдасына шешілмеуі тиіс.
