6 қазанға қараған түні Шымкент пен оған іргелес өңірлерде жер сілкінісі сезілді, деп хабарлайды Juzmedia.kz
Төтенше жағдайлар министрлігінің сейсмологиялық станциялар желісі 01:29-да тіркелген дүмпудің магнитудасы 5,9 болғанын мәлімдеді. Эпицентр Алматыдан оңтүстік-батысқа қарай шамамен 465 шақырым жерде, Қырғызстан аумағында орналасқан.
Жер сілкінісі Жамбыл облысында 4 балға дейін, Түркістан облысы мен Шымкент қаласында шамамен 3 балл шамасында сезілді. Қазіргі мәлімет бойынша, қираулар мен зардап шеккендер жоқ.
Төтенше жағдайлар қызметі жағдайды бақылауда ұстап отыр.
