Италия мен Испания халықаралық флотилияға дронмен шабуыл жасалғаннан кейін, оны қорғау мақсатында әскери кемелерін аттандыруға шешім қабылдады деп хабарлайды Juzmedia.kz Reuters-ке сілтеме жасап.
Италия көмек ретінде көпміндетті «Фазан» фрегатын жіберді. Кеме ең алдымен италиялық азаматтардың қауіпсіздігін қамтамасыз етуге бағытталған. Премьер-министр Джордия Мелони бұл бастаманы қауіпті әрі жауапсыз деп бағалағанымен, билік азаматтарды қорғауды бірінші орынға қойып отыр.
Испания премьер-министрі Педро Санчес те Нью-Йорктегі БҰҰ Бас Ассамблеясында елінің флотилияны қорғауға әскери кеме жіберетінін мәлімдеді. Картахена портынан шығатын кеме қажет болған жағдайда көмек көрсетіп, эвакуация жүргізуге дайын тұрмақ.
Флотилия құрамында 45 елден келген өкілдер бар, олардың арасында швед экобелсендісі Грета Тунберг те жүр. Қатысушылар Газаға азық-түлік пен дәрі-дәрмек жеткізуді мақсат еткен.
Ұйымдастырушылар дрондармен жасалған шабуыл кезінде оқ пен жарылғыш заттар қолданылып, байланыс жүйелері істен шыққанын хабарлады. Бірқатар кемелер зақымданғанымен, адам шығыны тіркелмеген.
Сонымен бірге Италия Үкіметі гуманитарлық жүкті Кипр арқылы жеткізіп, сонда тарату жоспарын да қарастыруда.
