Ақтөбе облысында полицейлер ауыл тұрғынынан жалпы салмағы 56 келі болатын марихуана тапты деп хабарлайды Juzmedia.kz Polisia.kz-ке сілтеме жасап.
Мәртөк ауданында өткен "Қарасора" және "Құқықтық тәртіп" жедел алдын алу іс-шаралары барысында күдіктінің үй ауласынан 148 түп өсімдік табылып, тәркіленді.
Сондай-ақ үй ішінен ерекше иісі бар өсімдік тектес зат салынған шелек алынды. Сараптама оның есірткі заты екенін растады.
Аталған дерек бойынша Қылмыстық кодекстің 296-бабы бойынша қылмыстық іс қозғалды. Қазір тиісті жедел-тергеу шаралары жүргізіліп жатыр.
