Тоқаев Террорға қарсы қызмет және сыртқы барлау бастықтарын қызметінен босатты

Juzmedia. kz

16.09.2024, 11:49

МЕМЛЕКЕТ БАСШЫСЫНЫҢ ӨКІМДЕРІМЕН:

Руслан Темірғалиұлы Сейсембаев Қазақстан Республикасы Ұлттық қауіпсіздік комитеті төрағасының орынбасары – терроризмге қарсы қызметінің бастығы лауазымынан босатылды;
Асқар Баймерденұлы Әмірханов Қазақстан Республикасы Ұлттық қауіпсіздік комитеті төрағасының орынбасары – сыртқы барлау қызметінің директоры лауазымынан босатылды.

Қызметінен айырылғандар - террорға қарсы қызметті басқарған Руслан Сейсембаев және сыртқы барлау қызметінің директоры болып жұмыс істеген Асқар Әмірханов. Екеуі де 2023 жылдың сәуірінде ҰҚК төрағасының орынбасары болды. Олардың кету себебі аталмаған.

ОЛАР ТУРАЛЫ НЕ БЕЛГІЛІ

Руслан Сейсембаев Ұлттық қауіпсіздік органдарында қызметін 1997 жылы бастаған. 2008 жылдан бастап әртүрлі бөлімдерді басқарды. Қаңтардағы оқиғалардан бір жыл бұрын ол Президенттен генерал-майор атағын алды.

Асқар Әмірханов мансабын 1995 жылы бастаған, сондай-ақ басшылық лауазымдарда болған.