Конституциялық сот тамыз айында өмір бойына сотталғандарға шартты түрде мерзімінен бұрын босатылуға тыйымды алып тастағаннан кейін, қоғамда бұл шешім Владислав Челах ісіне қатысты бола ма деген сұрақ туындады, деп хабарлайды Juzmedia.kz.
Челахтың бұрынғы адвокаты Гүлмира Шалдықованың айтуынша, оның экс-қорғауындағы азаматтың бостандыққа шығуына осындай мүмкіндік бар. Ол 2012 жылы «Арқанкерген» шекара бекетінде 15 адамның қазасына Челахтың қатысы жоқ деп сендіреді.
Адвокаттың сөзінше, ол басынан бастап кінәсін мойындамаған және істің өзі саяси астармен қаралған.
2019 жылы Челах билік ауысуына байланысты істі қайта қарауды талап еткен болатын.
Шалдықова кез келген жаза жеңілдету шарасы – соның ішінде шартты түрде босату да – әділетті болар еді деп санайды, себебі оның ойынша Челах жазасын заңсыз өтеп жатыр.
