Үндістан экспорты сәрсенбіден бастап АҚШ-тың жаңа баж салығына ілікті. Вашингтон Үндістанда өндірілген барлық тауарға қосымша 25% тариф енгізді, соның нәтижесінде баж мөлшері 50%-ға дейін жетті, деп хабарлайды Juzmedia.kz Рейтерске сілтеме жасап.
Бұл қадам АҚШ-тың Үндістанға қысымын күшейтуге бағытталған. Президент Дональд Трамп тамыз айында Нью-Делидің Ресей мұнайын көптеп сатып алуына жауап ретінде жаңа тариф жариялаған еді.
Талап сәрсенбі күні таңғы 12:01-де (АҚШ уақыты) күшіне енді. Тек жолда келе жатқан жүктер, гуманитарлық көмек және өзара сауда бағдарламасына кіретін тауарлардан басқа өнімдер толық шектеуге түседі.
Шектеу жарияланғаннан кейін үнді рупиясы АҚШ долларына шаққанда 0,17%-ға әлсіреп, 87,72 деңгейіне түсті. Елдің Сауда министрлігі бұл шешімге жедел түсініктеме берген жоқ.
Алайда министрлік өкілдері экспорттаушыларға қаржылай қолдау көрсетілетінін және Қытай, Латын Америкасы, Таяу Шығыс елдері сияқты балама нарықтарға бағыттау жоспарланып отырғанын мәлімдеді.
Премьер-министр Нарендра Моди үнді фермерлерінің мүддесін қандай жағдай болса да қорғайтынын айтты. Ол айдың соңында Қытайға жеті жылдан кейінгі алғашқы сапарын жасауды көздеп отыр.
