Венгриядағы оппозиция жетекшісі Петер Мадьяр Ресейдің ел ішкі ісіне араласуға тырысқанын мәлімдеді деп хабарлайды Juzmedia.kz Reuters агенттігіне сілтеме жасап.
Оның айтуынша, Ресейдің Сыртқы барлау қызметі (SVR) жариялаған мәлімдемеде Еуропалық комиссия Будапештте «режим ауыстыруды» қарастырып жатқаны айтылған. SVR бұл мәліметті «алынған ақпаратқа» сүйеніп таратқан және қазіргі венгр үкіметін «біртұтас Еуропаға» кедергі келтіріп отырған күш ретінде сипаттаған.
Мәлімдемеде Мадьяр «жаһаншыл элитаға адал саясаткер» деп аталған. Бұған жауап ретінде Мадьяр Ресей сайлаушыларға әсер ету арқылы Венгрия саясатына тікелей араласуға ұмтылып отыр деді.
Премьер-министр Виктор Орбан 2010 жылдан бері билікте және Ресеймен жылы қарым-қатынасы үшін, сондай-ақ Украинаға әскери көмекке қарсы ұстанымы үшін ЕО ішіндегі сынға жиі ұшырайды.
Келесі көктемге жоспарланған парламент сайлауы алдында сауалнамаларда Орбанның «Фидес» партиясы Мадьярдың «Тиса» партиясынан қалып келеді.
