Венгрия премьер-министрі Виктор Орбан Ресей Украинадағы соғыста жеңіске жетті деген пікір білдірді деп хабарлайды Juzmedia.kz Reuters-ке сілтеме жасап.
Патриот атты YouTube арнасына берген сұхбатында Орбан соғыс жалғасып жатқандай көрінгенімен, іс жүзінде Украина жеңілгенін және Ресейдің жеңіске жеткенін айтты. Оның сөзінше, енді мәселе – Батыс елдері бұл шындықты қашан және қандай жағдайда мойындайтынында. Орбан Украинаға әскери көмек беруге қарсы және оның Еуропалық одаққа кіруін қолдамайды.
Ресеймен 2022 жылғы басып кіруден кейін де байланысын үзбеген Венгрия басшысы ЕО-ның Украина болашағын өз еркімен шешуі тиіс деген ортақ мәлімдемеге қол қоймаған жалғыз еуропалық лидер болды. Ол Еуропа Путинмен келіссөз жүргізу мүмкіндігін Байден әкімшілігі кезінде жіберіп алғанын және енді құрлықтың болашағы оның қатысуынсыз шешілу қаупі бар екенін айтты.
Орбан Венгрияның энергетикасының басым бөлігі Ресейге тәуелді екенін еске салды. Сондай-ақ ол келіссөз үстелінде болмаған тараптың тағдырын өзгелер шешетінін айтып, Еуропаның қазіргі ұстанымын «күлкілі әрі аянышты» деп бағалады.
