Сирияның уақытша президенті Ахмед аш‑Шара 12 шілдеде Әзербайжанға ресми сапармен келіп, президент Илхам Әлиевпен энергетика және инфрақұрылым тақырыптарында маңызды келісімдер жасады, деп хабарлайды Juzmedia.kz.
Хабарлағандай, Аш‑Шараны Баку әуежайында жоғары деңгейде қарсы алған. Сапар барысында SOCAR және Сирия үкіметі арасында газ жеткізу жөніндегі меморандумға қол қойылды. Reuters агенттігінің мәліметінше, Әзербайжан жылына 2 млрд м³ табиғи газды Түркия арқылы Солтүстік Сирияға жеткізуге әзір.
Бұл келісім — Әзербайжанның Таяу Шығысқа энергия тасымалы арқылы ықпалын күшейтуге ұмтылысын көрсетеді. Сонымен қатар соғыс салдарынан энергетикалық инфрақұрылымы қираған Сирияның қайта қалпына келуіне нақты көмек болмақ. Бұл Әзербайжанның тек аймақтық энергетикалық хаб ретінде емес, геосаяси ойыншы ретінде де рөлін арттыра түседі.
