Нұр-Сұлтан әуежайында полиция қызметкерлерінің заңды талабына бағынудан бас тартқан Алматы тұрғынына қатысты сот үкімі шықты, деп хабарлайды Juzmedia.kz.
Оқиға азаматтың ұшаққа кешігіп келіп, агрессия танытуынан басталған. Ол әуежай аумағында қоғамдық тәртіпті қамтамасыз етіп жүрген полицейлерге балағат сөздер айтып, денсаулыққа зиян келтірумен қорқытқан. Тергеу барысында бұл әрекеттер билік өкілдеріне қарсы қылмыс ретінде сараланды.
Сот отырысы барысында мемлекеттік айыптаушы күдіктінің кінәсін дәлелдейтін нақты айғақтар ұсынды. Нәтижесінде ер адам кінәлі деп танылып, оған 1 жыл 1 ай мерзімге бостандығын шектеу жазасы тағайындалды.
Сот үкімі заңды күшіне енді.
