Алматы қаласында мемлекеттік мекеме басшысының орынбасары сеніп тапсырылған мүлікті ысырап еткені үшін сотталды. Бұл туралы қалалық соттың баспасөз қызметі хабарлады.
Сот мәліметінше, М. есімді азамат 2022 жылдың желтоқсанынан 2023 жылдың қыркүйегіне дейін қызметте жүріп, «Б» жауапкершілігі шектеулі серіктестігінің жұмысына заңсыз араласқан. Қызмет бабын пайдалана отырып, аталған компанияға қамқорлық көрсетіп, нәтижесінде мемлекетке 12 миллион теңгеден астам залал келтірген.
Айыпталушы өз кінәсін мойындамағанымен, сот оны кінәлі деп танып, 4 жыл 6 ай мерзімге бас бостандығынан айыру туралы үкім шығарды.
Сот үкімі заңды күшіне енген жоқ.
