Сотта хабарланғандай, 2024 жылдың мамыр айында Людмила Грачева (сотталушының аты-жөні) Бишімбаевтың анасының үйіне келіп, 100 миллион теңге аудару керектігін айтқан. Бұл ақшаны оның ұлы Қуандық Бишімбаевтың жазасын жеңілдету үшін апелляциялық сотқа пара ретінде одан әрі аударуға арналғанын айтқан,.
Сол күні кешкісін ол Бишімбаевтың анасына тағы келіп, әңгіме барысында оны шенеуніктерге беремін деген желеумен пара беруге итермелеуді жалғастырған.
«Сыбайлас жемқорлыққа қарсы қызмет қызметкерлерінің қылмыстық әрекеттерін әшкерелеуіне байланысты сотталушының алдау жолымен ақша жымқыру әрекеттері өзіне байланысты емес мән-жайларға байланысты аяқталмады», - деді сот.
Сотталушының кінәсі куәлардың айғақтарымен, сарапшылардың қорытындыларымен, жасырын тергеу әрекеттерінің нәтижелерімен, бейне жазбалар және қылмыстық істің басқа да материалдарымен дәлелденді. Сотта прокурор айыптауды қолдап, оны 11 жылға бас бостандығынан айыруды сұрады. Сотталушы өз кінәсін мойындамады;
Сот жас баласының болуын қылмыстық жауаптылық пен жазаны жеңілдететін мән-жай деп таныды.
Алқабилер соты Грачеваны алаяқтық әрекеті мен пара беруге итермелегені үшін кінәлі деп тауып, қылмыстардың жиынтығы үшін 10 жылға бас бостандығынан айырылды. Ол жазасын жалпы режимдегі түзеу мекемесінде өтейтін болады. Үкім заңды күшіне енген жоқ.
Осы жылдың маусым айында елорда тұрғыны Ұлттық экономиканың экс-министрі Қуандық Бишімбаевтың жазасын жеңілдетеміз деген желеумен алдап, 100 миллион теңгені жымқырды деген күдікке ілінгенін бұған дейін жазған едік. Кейін экс-министрдің адвокаттары оқиғаның мән-жайын айтып берді. Қорғаушылардың айтуынша, күдікті жалған ақша беріп жатқан жерінде ұсталған.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
